Nënkryetari i LSI-së, Petrit Vasili ka reaguar pas deklaratave të kryeministrit Edi Rama.
Në një videomesazh në Facebook, Vasilit thotë se shqiptarët janë me fat që nuk kanë një baba si Edi Rama.
Petrit Vasili: Sot një lajm shumë interesant vjen nga Kosova. 7 mijë tampona sigurohen nga shëndetësia kosovare në një kohë rekord edhe pse janë përballur me pandeminë shumë më pas nga ne.
Sot kryeministri u shfaq dhe u vetëquajt babai ynë. Ne jemi më fat që Edi Rama nuk është babai ynë. Nuk mund të ketë një fatkeqësi kaq të madhe çdo shqiptar të ketë baba Edi Ramën.
Por si kryeministër i vendit, dua ta pyes sa mijëra tampona ka siguruar qeveria shqiptare për qytetarë e saj, sa ka gjendja dhe sa ka siguruar për të njohur situatën?
Po le të na thotë sa ventilatorë mekanikë janë siguruar për të përballuar situatën?
Sa mijëra komplete për të mbrojtur personelin mjekësor janë siguruar për të përballuar situatën?
Sa mijëra doza antimalarike që përdoren në luftën kundra koronavirusit janë siguruar?
Këto përgjigje ne nuk i kemi nga kryeministri.
