Vora arriti të merrte një pikë shumë të rëndësishme në “Air Albania” ndaj Dinamos në një barazim dramatik 2-2.
Megjithëse është vetëm një pikë e marrë, për Vorën mund të jetë pikë që bën diferencën duke qenë se mbijetesa tashmë varet vetëm nga ta. Skuadra vorake e mbyll sezonin në shtëpi, ku përballë do të ketë Bylisin që gjithashtu fitoi me rezultatin 2-1 ndaj Elbasanit.
Për Vorën, vlen vetëm fitorja në kampionat që të sigurojë mbijetesën dhe këtë duhet ta bëjë kundër skuadrës së Bylisit që është vetëm 2 pikë më shumë në klasifikim.
Nëse Vora nuk barazonte dje ndaj Dinamos, diferenca mes skuadrave do të ishte 3 pikë dhe në rast të një fitoreje ndaj Bylisit, atëherë do të shihej bilanci i ndeshjeve direkte, golaverazhi mes skuadrave dhe për Vorën do të ishte një luftë më e madhe për mbijetesë. Tashmë, skuadrës së Bellait i mjafton vetëm një fitore me çfarëdo lloj rezultati, për të siguruar mbijetesën.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
