Autoritetet e drejtësisë në Greqi kanë lëshuar një urdhër arresti europian për shqiptarin që plagosi tre të rinj grekë në Gazi të Athinës disa ditë më parë.
Sipas autoriteteve greke 37-vjeçari qëlloi me një pistoletë dhe plagosi rëndë një grup të rinjsh pas një sherri banal jashtë një lokali.
Më herët për këtë ngjarja policia arrestoi edhe mikun e tij Emiliano Jakupi 33 vjeç, i cili ishte i pranishëm në automjet dhe ishte pikërisht shkaku që nisi sherri mes dy palëve.
Sipas mediave greke, shqiptari po përpiqet të gjejë një mënyrë për t’u arratisur nga Greqia dhe për të shkuar ose në Turqi ose në Maltë, megjithatë deri tani ai nuk është larguar.
Shërbimet e policisë janë vënë në dijeni, në mënyrë që të jenë vigjilentë në rast të lokalizimit të shqiptarit, i cili konsiderohet veçanërisht i rrezikshëm, pasi ka një precedentë të rëndë.
