Një moment i veçantë në protestën e lirë të qytetarëve në bulevardin “Dëshmorët e Kombit” në kryeqytet.
Një prej protestuesve ka marrë fjalën dhe, duke iu drejtuar Bulevardit dhe të pranishmëve, ka përshëndetur në greqisht. “Desha të bëj vetëm një provë… Kalimera!”, tha ai.
Pasi nuk mori përgjigje, protestuesi vijoi fjalën në shqip, duke shpjeguar arsyet e protestës dhe duke theksuar mbrojtjen e tokave shqiptare nga çdo projekt që, sipas tij, nuk është në interes të shqiptarëve.
Kujtojmë se kryeministri Edi Rama ka folur më herët për forca të jashtme që, sipas tij, nuk duan që Shqipëria të marrë këtë investim madhor, duke deklaruar se protestuesit janë të ndikuar pikërisht nga këto forca, prej të cilave është aluduar edhe Greqia.
Nga ana e Bulevardit vazhduan thirrjet “Revolucion”.
