Ergys Petro, i cili ditën e djeshme u përfshi në aksident, ku si pasojë mbetën të plagosur 5 persona, është arrestuar ditën e sotme në Berat. Aksidenti ndodhi ditën e djeshme në aksin rrugor Axhensi-Ura e Goricës, ku Petro duke drejtuar mjetin tip Benz, ka dal nga rruga dhe është përplasur me një dyqan elektroshtëpiakesh
“Nga specialistët e Sektorit për Qarkullimin Rrugor u bë arrestimi në flagrancë i shtetasit Ergys Petro, pasi më datë 22.08.2021, në aksin rrugor Axhensi-Ura e Goricës, duke drejtuar mjetin tip Benz, ka dal nga rruga dhe është përplasur me një dyqan elektroshtëpiakesh.”- njofton policia e Beratit.
Si pasojë e aksidentit të rëndë janë plagosur 5 shtetasit: Leonard Rrapi 34-vjeç, Abaz Kaballi, 60-vjeç, Astrit Veliu,23-vjeç,Tahir Redhi,30-vjeç dhe Robert Sadikaj.
Njëri prej të plagosurve,30-vjeçari Leonard Rrapi është transportur me ambulancë drejt Spitalit të Traumës në Tiranë,ndërsa 4 të plagosurit e tjerë ndodhen në Repartin e Kirurgjisë së Beratit. Të pesë shtetasit e plagosur janë banues në fshatin Arëz në Tepelenë dhe raportohet se sapo ishin kthyer nga peligrinazhi në Malin e Tomorrit. Materialet i kaluan Prokurorisë së Rrethit Gjyqësor Berat, për veprën penale “Shkelja e rregullave të qarkullimit rrugor”