Forca të shumta policie po krehin zonën në Gjirokastër për të bërë të mundur kapjen dhe arrestimin e 40-vjeçarit Kristaq Llukani, i cili plagosi me pistoletë dy persona nga Lazarati. Janë ngritur postoblloqe në pikat kyce të qytetit, si dhe po ushtrohen kontrolle në disa ambiente ku dyshohet se mund të jetë fshehur autori. Ngjarja ndodhi në orën 20:45 minuta pas një konflikti të çastit në një lokal lloto-sporti pranë komisariatit të policisë.
Të plagosurit janë Xhelo Gerveshi 52 vjeç dhe Valentin Buci 36 vjeç. Ata u dërguan në spitalin rajonal të Gjirokastrës për marrjen e ndihmës mjekësore dhe për momentin raportohet se janë jashtë rrezikut për jetën. Xhelo Gerveshi pasi ka marrë ndihmën e parë në këtë spital është transportuar drejt Tiranës për mjekim të specializuar. Grupi hetimor në vendngjarje ka sekuestruar 3 gëzhoja pistolete. Hetimet për kapjen e autorit dhe zbardhjen e plotë të ngjarjes që tronditi Gjirokastrën vijojnë.
© ArgjiroLajm.net
