Prej tri vitesh, përfitues të bursave të punësimit të dhuruara nga shteti gjerman, kanë qenë dhjetëra të rinj, edhe në qytetin e Gjirokastrës.
Afro 200 studente, në vitin e fundit të studimeve Bachelor, apo në nivelin Master, prej katër vitesh po përfitojnë bursa dhe trajnime nga projekti gjerman, World University Service. Aplikantët janë preferuar, me të ardhura të pakëta familjare, por me rezultate të mira akademike. Përfitues kanë qenë dhe dhjetëra studentë të Universitetit “Eqerem Çabej” në Gjirokastër. Antoneta Polo, Pedagoge në këtë universitet, u shpreh: “Ky eshte projekti që ka ndihmuar më shumë studentët, pas kryerjes së studimeve të larta, duke ndihmuar studentë nga të gjitha degët që ndiqen në universitet.”
Studentet punësohen pranë një institucioni apo ndërmarrjeje, duke përfituar nga projekti ëorld University Service, për një periudhë 6 mujore, me një pagë prej 250 Euro-sh. Projekti gjerman World University Service, i cili është aktiv në 50 vende të botës, po zbatohet në Shqipëri që prej vitit 2016, dhe mbështet çdo vit me bursa dhe trajnime, nga 50 studentë./Rtsh
