Ish-kryeministri Sali Berisha ka nisur përgatitjet për zhvillimin e protestës së 7 korrikut në rang kombëtar. Në një mbledhje të zhvilluar një ditë më parë, Komisioni i Rithemelimit të PD-së ka ndarë grupet që do të organizojnë protestat në 11 qarqet e vendit.
Ndarja është bërë edhe në nivel dege pas propozimeve të ardhura dhe të diskutuara në mbledhje. Sa i përket qarkut Gjirokastër, organizimi i protestës i është besuar Tritan Shehut dhe Dasho Alikos.
Kjo është protesta e parë kombëtare qysh prej kur Sali Berisha mori drejtimin e PD-së përmes një procesi të kontestuar dhe ende të pacertifikuar nga gjykata.