Ndërsa prej më shumë se dy orësh në Bulevardin “Dëshmorët e Kombit” vijon protesta për vrasjen e 25 vjeçarit Klodian Rasha nga një efektiv policie, strukturat e Ministrisë së Brendshme kanë urdhëruar forcat e rendit që të ruajnë gjakftohtësinë.
Gjithashtu, janë marrë masa për ruajtjen e institucioneve dhe për të shmangur sa më shumë përplasjet me protestuesit, të cilët kanë qëlluar herë pas here me sende të forta efektivët.
Ndërkohë, siç raporton News 24, ka shumë pak policë të shfaqur para institucioneve dhe më shumë janë forcuar masat nga Garda dhe struktura të tjera policore, që qëndrojnë në gatishmëri.