Athina do t’u heqë shtetësinë greke dy të sapo zgjedhurve në bashkitë e minoritetit. Një shkrim i Panagiotis Savvidis ne Protothema, analizon zhvillimet politike në Shqipëri dhe thotë se ka informacion se Ministrit të ri i Brendshëm të Greqisë do t’i shkojë dosja e zgjedhjeve lokale në Finiq dhe Dropull, me kërkesën për heqjen e shtetësisë greke të dy minoritarëve, që sipas tij, i përdori Rama për të përçarë grekët etnikë në jug të Shqipërisë.
Kështu Kristaq Kiço, kryetar i Bashkisë së Finiqit dhe i partisë MEGA, dhe Dhimitraq Toli kryetar i Bashkisë së Dropullit dhe i degës lokale të PS, mund të kenë fatin e Gjergj Goros, të cilit iu hoq shtetësia greke 3 vjet më parë, me motivacionin e bashkëpunimit kundër interesave të minoritetit grek.
“Pavarësisht nga vendimi i partisë së pakicës së PBDNJ për të bojkotuar zgjedhjet si pjesa tjetër e partive opozitare shqiptare, Kryeministri shqiptar i imponoi kandidatët – marionetë, të cilët do të vepronin në planet kundër pakicave.
Në Bashkinë e Finiqit, nga 30,568 anëtarë të regjistruar votuan vetëm për 4,000 (14%), duke zgjedhur kryetarin e bashkisë Kristaq Kiço, kryetar i një partie të vogël – fantazmë “MEGA”, e cila është pasojë e një mosmarrëveshjeje të trishtuar brenda pakicës dhe një shtyllë e përhershme e Edi Ramës. Kiço mori 3.333 vota, ndërsa ka njoftime për mashtrime të gjera.
E njëjta gjë në Bashkinë e Dropullit, ku kryetar u zgjodh drejtuesi i degës lokale të Partisë Socialiste, Dhimitraq Toli, me 2.448 vota, nga 20.006 të regjistruar (11%).
Sipas burimeve, ministri i ri i Brendshëm I Greqisë, do të gjejë në zyrën e tij një dosje voluminoze me të gjitha provat mbi veprimin anti-hellenik të kryetarëve të rinj të Finiqit dhe Dropullit, Kiço dhe Toli, të cilët në thelb me sjelljen e tyre lehtësuan manipulimet e Ramës kundër një pakice greke. Athina do te ndërmarrë një masë presioni, si heqja e shtetësisë greke për dy kryetarët e rinj të Bashkive, Kiço dhe Toli, për të njëjtat arsye që ia hoqi kryetarit të Bashkisë së Himarës Gjergji Goro”, shkruan Protothema.
