Në qarkun Gjirokastër duket se nuk priten më surpriza në listën e kandidatëve për deputetë të Partisë Socaliste. Lista do të kryesohet nga drejtuesja politike e PS, Mirela Kumbaro. I dyti pritet të jetë Tërmet Peçi, kryetari i Bashkisë Tepelenë. Emri i tretë është biznesmeni Pirro Dhima.
Dy vendet e tjera janë rezervuar për Shyqyri Hysin dhe Anila Dhimitrin. Hysi është pedagog në Universitetin “Eqrem Çabej” dhe ka aplikuar në platformën “Deputeti që Duam”, ndërsa Dhimitri është një profesioniste e njohur në Përmet.
Mandatin e garantuar e ka vetëm Mirela Kumbaro duke qenë se është në listën e mbyllur. Kandidatët e tjerë do duhet të garojnë me njëri-tjetrin dhe fiton ai që merr qoftë edhe një votë më tepër.
PS synon 3 mandate në Gjirokastër, po aq sa mori në vitin 2021. Zyrtarizimi i listës do të bëhet ditën e mërkurë pas mbledhjes së Kryesisë së Partisë Socialiste. ©Argjiroja.net
