Trajneri i PSG-së, Luis Enrique, tregoi këndvështrimin e tij para ndeshjes ndaj Lyon.
Mbi suksesin e francezeve në kompeticionet europiane – “PSG dhe Strasbourg po bëjnë më të mirën për futbillin francez. Ne jemi mes katër më të mirave në Champions ndërsa Strasbourg mes katër më të mirave të Confrence League. Kjo është një fitore e madhe për futbollin francez”.
Parashikimi për ndeshjen me Bayern-in – “Kundër Chelsea-t, ne nuk ishim favoritët sipas medieve, por kundër Liverpool-it, ishim. Pra mund të themi se nuk ka rëndësi kush është favoriti. Ajo që ka rëndësi është ajo që tregojmë në fushë sa vlejmë”.
Rritja e formës fizike në javët e fundit – “Nuk kemi bërë asgjë ndryshe, nuk ka ndonjë metodë të jashtëzakonshme. Ka qenë një sezon i pazakontë pasi na është dashur të menaxhojmë dëmtimet dhe kohën e lojës. Tani jemi në fazën finale, ku fitohen trofe. Jemi mjaft komod në këtë pikë dhe kjo është diçka pozitive. Ne gjithmonë duam më shumë trofe”.
Kalendari i ngjeshur i PSG-së – “Kjo javë është shumë e rëndësishme për Ligue 1. Kemi tre ndeshje, shumë pikë në lojë. Është e rëndësishme t’i fitojmë ato. Pastaj është gjysmëfinalja e Ligës së Kampionëve. Janë shumë ndeshje, duhet ta menaxhojmë këtë program, por jemi mësuar me të”.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
