Në një dalje live për publikun kryeministri Rama tha se askush nuk e di se kur është fundi i kësaj pandemia, as vendet më të zhvilluara të planetit.
Ai tha se halli më i madh tani është mbrojtja e jetës dhe se hallet e tjera nuk janë po kaq të rëndësishme.
Rama shtoi se shumë mendojnë gabimisht që ia kemi hedhur, dhe thonë që të hapen rrugët e punët, por Rama tha se kjo është një fazë delikate dhe se ne jemi rreziku potencial i vetvetes.
Rama: Askush nuk e di se kur është fundi. As vendet më të fuqishme të planetit. Ne shqiptarët nuk duhet ta harrojmë diçka. Sot halli i halleve që na bashkon të gjithëve është mbrojtja e jetës dhe familjeve tona dhe mbrojtja e Shqipërisë nga një krizë humanitare. Halle të tjera janë të rëndësishme, por nuk janë aq të mëdha sa halli që mund të kemi nëse nuk funksionon zinxhiri i solidaritetit tonë kombëtar. Unë jam në merak se shumë nga ju mendoni gabimisht se ne ja hodhëm. Hapi punët se po vdesim thonë disa, hapi rrugët thonë ca të tjerë. Ti nuk jen zoti e Allahu thonë disa ë tjerë që shajnë. E vërteta është se ne kemi hyrë në një fazë shumë delikate ku rreziku jemi më shumë ne se sa armiku që po luftojmë. Ne sot jemi rrezik potencial i vetvetes. sulmi armik nuk na i mbushi dot spitalet me të infektuar, nuk na futi në vallen e vdekjes ashtu siç bëri me shumë vende të botës. Unë e di dhe besomëni që e di dhe vuaj ditë natë dhimbjen tuaj, dhimbjen familjeve që kanë më shumë halle se sa të tjerëve. Dhimbjen e atyre që kanë humbur punën, atyre që kanë ngelur në kufi.
