Seanca e Kuvendit këtë të enjte është shoqëruar sërish me akuza dhe debate mes kryeministrit Rama dhe kryedemokratit Lulzim Basha.
Duke iu referuar batutave të kreut të PD-së se Basha e ka “kafshuar” më parë, Rama shprehet se këto terma nuk janë të duhura për një politikan si dhe për publikun që i dëgjon.
“Më vjen mua këtu dhe më flet për koncesione dhe PPP, po a e di që janë dhe nga e kaluar aty. Po të them që jo vetëm që nuk i heq asnjë presje për PPP-VE dhe nuk kompleksohem fare . Faktet flasin, më 29 nëntor hapet rruga e Arbërit. Përbërja gjeologjike e tunelit shkaktoi vonesa, ndërkohë që pjesa tjetër është gati. Dëgjo Lulzim, dëgjo këtu. Nëse do të ndodhte me tunelin e Murrizit dhe do të ishte me buxhetin e shtetit do të detyroheshim të nxirrnim një mal me të tjera nga buxheti i shtetit. Siç jemi detyruar ne të nxjerrim ne për ato projektet tuaja të papërfunduara, për të bërë Foltore në tunelin e Elbasanit, bashkë me llumin siç thua ti.
Kur erdhi puna mbasi i ratë daulles bashkë me llumin u dëshën sa e sa para për ta përfunduar dhe nga rrëshqitjet. E Njëjta gjë ndodhi me Qukës-Qafë Plloçë. Ky është vizioni juaj. Kurse me PPP, doli problemi te tuneli i themi kompannisë shko rregulloje dhe nuk nxjerrim asnjë para nga buxheti i shtetit. Me baltë dhe me akuza e me një gjuhë që të turpëron si prind dhe na turpëron të gjithëve këtu që japim mësime këtu se si në një mjedis publik i thua tjetrit unë të kam kafshuar, a e kupton. A e imagjinon çfarë mendojnë fëmijët kur shofin një goxha profesor me brillantinë dhe me kollare që i thotë një plaku si puna ime që të kam kafshuar. E mendon se sa pleq do kafshoheshin sot po të dëgjonin ty fëmijët. Mblidh mendjen, e kuptoj që e ke të vështirë, kjo është serioze.
Pas fjalës së tij, kryeministri Rama largohet nga foltorja e Kuvendit për të pushuar. Për këtë kryedemokrati Basha i uron qetësim të mbarë me cilësinë e miellit.
“Meqë dole të qetësohesh pak te dhoma ngjitur po të uroj qëtësim të mbarë dhe të shpejtë me cilësinë e diellit ose t miellit dëgjoje nga dhoma ku je ngjitur me që ske guxim të rrish këtu. Ja ku i ke konfirmimin e FMN-së. Shqipëria kishte rritjen më të lartë në Europë në vitin 2020 në raport me mesataren e 2015-2109 sipas raportit të FMN-së. Ndryshe nga të paaftët që të rrethojnë dhe stë ndihmojnë dot. E vërteta është ajo që e deklarova unë” – u shpreh Basha.
