Kryeminsitri Edi Rama ka folur nga “Lungomare 2” në Vlorë për potencialet që ka ky qytet dhe investimet që pritet të behen nga qeveria.
Ai u shpreh se Vlora është një qytet me potencial të madh, ndërsa shtoi se ky qytet do të ketë vijën më të gjatë shëtitëse në këmbë, pasi shëtitorja do të vazhdojë deri në Orikum.
Rama tha se mendon që ka lënë mrin e tij për mirë në qytetin e Vlorës, madje se do të kujtohet edhe kur djali i tij Zaho të vizitojë qytetin bregdetar dhe aitë mos jetë më.
Rama: Lungomare 2 është vazhdimi i një ngjitje, mjafton të shohësh këtu çfarë bëhet. Me gjithë këto karabinatë që kishte vite që nuk i shikonte njeri dhe tani ka vajtur metri katrot 1800 euro. Është bukuria në funksion të ekonomisë. Mjafton të shohim çfarë ka ndodhur me pasuritë e vlonjatëve që janë shumëfishuar, mjafton të shihim çfarë ka ndodhur me të ardhurat dhe biznesin. Është diçka e mirënjohur dhe nuk ka asnjë vezë Kolombi këtu.
Pyetje: Përse vlonjatët duhet t’ju vlerësojnë?
Rama: Kjo që po shohim këtu ka nisur dhe do të vazhdojë deri në Orikum. Do të kemi vijën më të gjatë shëtitëse në këmbë në të gjithë këtë pjesë të Mesdheut. Mandati është mjeti për arritjen e qëllimit.
PD ka qenë ën gjumë në kohën që taksa për operatorët turistikë është bërë 6%. E gjithë zona përfshirë edhe Labërinë dhe lumin e VLorës që do të transformohet në vitet e ardhshme.
Pyetje: Kujtimet më të bukura nga Vlora?
Rama: Ajo ç’ka unë kam jetuar me Vlorën qysh i vogël më ka bërë më të ndjeshëm karshi bukurisë dhe potencialit. Mund të kisha kujtime me një zonë që mund të mos kihste potencial të tillë, por është çështja e potencialit. Vlora ka një potencial të madh, është e krijuar për të qenë një motor me shumë kuaj fuqi për zhvillimin ekonomik.
Më kujtohet kur isha i vogël dhe vinim në Vlorë me trenin deri në Fier dhe më pas me autobus. Stacioni ka qenë në anën tjetër dhe pastaj bënim rrugën e bulevardit ku ishin palmat. Më kujtohet shprehja e sime mëje “palmat e Kristo Papajanit”. Edhe deri këtu e kam lënë emrin për Zahon kur të vijë dhe kur të jetë në një moshë që unë mbase s’do jem më. Përtej emrit, kujtimi i mirë është një nga motivet bazë që mua ma bëjnë politikën pasion dhe nevojë për të qenë i dobishëm
