Në mbledhjen e sotme të grupit parlamentar të PS-së, kryeministri Edi Rama ka folur edhe për ankesa të shumta që vijnë nga qytetarët për disa prej drejtuesve të administratës publike në vend. Prandaj ai ka kërkuar që të koordinohen me deputetët largimet e disa drejtuesve. Në ‘shënjestër’ pë t’u larguar janë, jo vetëm ata drejtues për të cilat ka ankesa te platforma e bashkëqeverisjes me qytetarët, por edhe ata të cilët kanë disa vite në një institucion. Rama kërkon të bëjë rrokadë dhe rifreskim në nivel drejtuesish. Lëvizjeve nuk i shpëton as Gjirokastra, ku në ditët e ardhshme do të ketë disa shkarkime dhe emërime të reja. Deri më tani nuk janë zbardhur emrat e drejtorëve që ikin dhe as emrat a tyre që do t’i zëvendësojnë. Po kështu gjatë mbledhjes së sotme, Rama ka kërkuar të punohet më shumë me bazën. “Të shpërndaheni nëpër zonat tuaja. Drejtuesit e degëve në rrethe të jenë të përkushtuar. Angazhimi në terren duhet të jetë maksimal. Të punojmë sikur zgjedhjet të jenë ketë qershor”, u ka thënë Ramë deputetëve të tij.
©ArgjiroLajm.net