Kryeministri Edi Rama, në videon e radhës ka reaguar ndaj Lulzim Bashës në përgjigje të një videoje që publikoi dje ku shfaqej me Hysen Xhurën, kandidat për deputet në listën e hapur të Koalicionit Euroatlantik në njësinë numër 4 në kryeqytet.
“O Lul shyqyr se e nxorre një se pyet mileti a ke njeri a je veç ti. Hyseni i kam njohur babën, burrë zotni. Ishalla i ka ngjarë të atit.
Tjetër ke apo Hysenin laj thaj. Dëgjoje pak e mirë se tani që të ngjalla nuk ta kam nderin të të dëgjoj përditë që i bie fyllit me një vrimë. E dëgjove?”, thotë Rama.
“Si zogj pulash kundër një luani”, ishte një pjesë nga kënga në sfond, ndërsa Rama shtoi:”Dëgjo dhe ndërro regjistër se ke fjetur gjatë. Duhet me t’i kujtuar ca gjona. 100 zogj pulash kundër një luani.
Ik tani artist dhe mos ma qaj hallin mua se po t’i kullufit demokratët. Jo këtu bën si i fortë dhe andej rri squp. Hajde Lul, ec aty.”, u shpreh Rama teksa në sfond ka edhe këngën e Unikatil.
