Gjatë fjalës së mbajtur në Samitin e Diasporës, kryeministri Edi Rama u shpreh ndër të tjera se kjo që po ndodh me situatën politike në vend ndikon për keq tek ekonomia dhe në mënyrë të veçantë tek sektori i turizmit.
Për ta ilustruar këtë fakt ai solli në vëmendje rastin e Gjirokastrës, ku sipas Ramës pas protestës së opozitës më 16 shkurt u anulluan të gjitha prenotimet e muajit mars nëpër hotele e bujtina.
“Më shqetëson kur dëgjoj në Gjirokastër që ky vit është viti me prenotimet më të mëdha dhe i mbuluar nga marsi deri në shtator. Dhe papritur në 17-18-19 shkurt anullohen të gjithë prenotimet e marsit. Anullimi i këtye prenotimeve do të thotë se familje të tëra mbeten pa ekonomi. Kjo është ajo që shqiptarët mund t’u bëjnë shqiptarëve kur humbasin mendjen dhe shkojnë pas berihait”, u shpreh Rama. Ndiqni videon më poshtë.
©argjiroja.net