Erling Haland është kthyer në një protagonist absolut në Botërorin 2026 me 7 golat e tij, duke u konfirmuar i pandalshëm para portës kundërshtare.
Sulmuesi ishte ai që mori mbi shpatulla Norvegjinë dhe e çoi deri në çerekfinalet e turneut, u përballë do të ketë Anglinë. Por për shkak të një rastësie të pabesueshme, Haland mund të kishte qenë në anën tjetër të fushës, si pjese e “tre luanëve” dhe jo “vikingëve”.
Haland mund të bëhej pjesë e përfaqësueses së Anglisë, pasi ka lindur në Lids, në periudhën kur babai i tij, Alf-Inge Haland, luante me skuadrën e këtij qyteti. Më pas familja u zhvendos në Norvegji ku edhe Alf-Inge mbyll karrierën e tij, e ku Haland hodhi hapat e parë si futbollist.
Megjithëse Haland kishte edhe nënshtetësinë britanike, ai zgjidhi të përfaqësonte Norvegjinë, pasi u shpreh se identifikohej me vendin ku kaloi gjithë fëmijërinë e tij dhe nga kishte origjinën. “Nuk do ta dimë kurrë se si do të shkonin gjërat nëse babai im do të kishte luajtur më shumë vite në Angli. Por jam norvegjez dhe jam krenar për këtë”, tha disa vite më parë Haland.
