Pasi ne botuam sot një shkrim mbi procesin e primareve te PD Gjirokastër, ka reaguar kryetari i kësaj dege, Eri Shehaj. Dukshëm i kompleksuar në gjithçka thotë, ai na quan ne “vegla të kundërshtarëve politikë që po fusim hundët” në partinë e tyre. Pra, ne po sabotojmë e po i prishim punë PD-së në Gjirokastër. Kemi pas kaq shumë influencë dhe nuk e kemi ditur. S’na ngelet gjë tjetër vecse ta meritojmë këtë vlerësim të Shehajt. Natyrisht që ne nuk impresionohemi dhe as kompleksohemi nga çfarë thotë ai. Jemi në lirinë tonë të plotë të komentojmë, vlerësojmë dhe analizojmë një proces publik. Shehajt kjo nuk i pëlqen, por prapë nuk prish punë. Bota prandaj është e bukur se është plot ngjyra. Dramë e madhe do të ishte po të mendonim të gjithë njësoj. Po e botojmë më poshtë të plotë reagimin e kryetarit të PD Gjirokastër. Mos e gjykoni për keq se ai s’ka faj, nuk i shkruan vetë asnjëherë, madje as i lexon, por i publikon menjëherë siç ia nisin. Thjesht lexojeni të plotë për zbavitje.
Te dashur antar dhe simpatizant te Partise Demokratike Gjirokaster! Me lejoni tju bej me dije se procesi i primareve po rezulton tejet i suksesshem duke nxitur nje gare te vertete dhe nje interesim madhor per jeten politike. Kaq shume po diskutohet per te sa dhe kundershtaret tane politike permes veglave te tyre kerkonin te fusnin hundet ne te e ta perbaltnin permes portaleve te tyre te paguar. Po nuk ia dolen.
Kjo tregon panikun qe i ka kapur si dhe per integritetin e kandidaturave, qytetare te mirefillte qe u dhemb lagjia,qyteti, shoqeria, e ardhmja. E gjithe struktura dhe antaresia u angazhua per propozime dinjitoze, mbi 15 te tilla, e nder te cilet u spikaten emra me vlera, dinjitet dhe shpirt gare. Siç e dini, tashme jane ne gare 3 kandidatura, por procesi vazhdon si ketu dhe per bashkite e tjera. Jemi krenare qe po bejme zgjedhje e jo emerime si te pavotuarit e qytetit dhe tashme ketyre te fundit do ju garantojme humbjen e merituar.
Ne do ta vazhdojme kete proces edhe per keshilltaret bashkiake, per te zgjedhur permes votes se antaresise emra burrash e grash dinjitoze, te pakapur, jo pazarxhinj si dikur ne emer te demokrateve e te qytetit, por mbrojtes te qytetarit. Tashme gjithe vemendja jone eshte e fokusuar tek modalitetet e votimit per procesin e primareve si dhe tek protesta kombetare e dates 6 dhjetor. Une personalisht dhe gjithe dega e PD Gjirokaster do te jemi gjithmone krah njerezve ne emer te se ardhmes. Ju faleminderit!
