Real Madridi mbetet vetëm për Mbappen

Bayern Munich publikisht ka hequr dorë nga Kylian Mbappe. Karl-Heinz Rummenigge ka thënë se Bayerni asnjëherë nuk e ka diskutuar opsionin e transferimit të Kylian Mbappe.Ndoshta për shkak të shifrave marramendëse, pasi pritet të kushtojë së paku 200 milionë euro.
“E dua Mbappen dhe mënyrën e tij të lojës, por kurrë nuk kemi konsideruar që mund të vijë në Bayern. Përveç kësaj, është mirë aty ku është”, tha ai. “Nasser Al Khelaifi është mik i mirë i imi. Nuk do ta shqetësoi me këtë temë”.
Klubi tjetër që synon Mbappen është Manchester City, por tashmë e ka harruar atë pas spekulimeve për Lionel Messin, derisa dëshira e Liverpoolit është zbehur shkaku krizës ekonomike që ka shkaktuar pandemia COVID-19. Kështu, Madridi duket favorit pasi nuk ka shpenzuar asnjë cent vitin e kaluar, derisa ka fituar afër 200 milionë nga shitjet e futbollistëve.