Partia Demokratike është duke punuar për një draft për korrigjimin e reformës territoriale përpara se të shkohet në zgjedhjet e ardhshme lokale. Deputetja Dhurata Çupi, në një intervistë për Top Channel tha se ndarja e tanishme është bërë për qëllime elektorale. Shembull ajo mori qarkun Gjirokastër.
“Qarku Gjirokastër me rreth 61 mijë banorë ka 7 bashki, ndërsa qarku Kukës me 69 mijë banorë ka vetëm 3 bashki. Pra, qëllim i pastër elektoral”, tha deputetja e PD-së.
Më herët Argjirolajm.net ka raportuar se pas korrigjimit të reformës territoriale, pritet që qarku Gjirokastër të ketë më pak bashki. Të rrezikuara për t’u shkrirë janë bashkitë Libohovë, Memaliaj dhe Këlcyrë. Sidoqodtë opozita nuk e ka prezantuar ende draftin final, i cili për të kaluar në Kuvend do duhet të marrë edhe votat e mazhorancës.
