Për javën që vjen vendi ynë do të ndikohet nga kushte të qëndrueshme atmosferike dhe vlera termike në rënie të ndjeshme për shkak të depërtimit të masave ajrore polare që kanë përfshirë jo vetëm vendin tonë por pjesën më të madhe të Europës.
Si pasojë e këtij depërtimi problematik, Shërbimi Meteorologjik Ushtarak raporton se do të kemi ngrica të forta në akset rrugore.
Përjashtim bën dita e Hënë ku moti pritet të jetë me reshje shiu të herëpasherëshme me intensitet të ulët e hera – herës mesatar në dy ekstremet veri- jug. Në zonën e Alpeve, verilindje mbi 1000 metër dhe malësitë e jugut në lartësitë mbi 800 metër do të ketë reshje bore me intensitet të ulët lokalisht mesatare. Era me drejtim verilindje – juglindje shpejtësi 1-8m/s, përgjatë vijës bregdetare dhe lugina era heras-herës bëhet relativisht intensive me shpejtësi 10-15m/sek. Valëzimi në dete pritet të jetë 1-3 ballë.
Dita e Martë moti pritet të jetë i kthjellët dhe me alternime vranësirash. Parashikohen ngrica përgjatë akseve rrugore në relievet malore. Mjegull / mjegullinë do të ketë në orët e mëngjesit në zonat luginore. Era do të fryjë me drejtim verilindje – juglindje, me shpejtësi mesatare 1-8m/s, përgjatë vijës bregdetare sidomos në bregun verior dhe lugina era heras-herës bëhet relativisht intensive shpejtësi deri në 9-17m/sek. Valëzimi në dete pritet 1-3 ballë.
Të Mërkurën, të Enjten dhe të Premten moti pritet të jetë kryesisht i kthjellët me vranësira të pakta deri mesatare. Parashikohen ngrica të forta përgjatë akseve rrugore në relievet malore dhe mjegull / mjegullinë në orët e mëngjesit në zonat luginore. Era do të fryjë me drejtim verilindje – veriperëndim me shpejtësi 1-7m/sek dhe me valëzim në dete 1-3 ballë.
