Atmosfera në shtëpinë e Big Brother VIP Albania është ndezur ndjeshëm pak orë para një prej momenteve më të komentuara të këtij edicioni. Sonte pritet të mbahet dasma mes Brikenës dhe Mateos, një ceremoni që u konfirmua përmes zarfit të mbërritur gjatë ditës, por që duket se nuk do të kalojë pa tensione.
Para organizimit të dasmës, banorët janë përfshirë në diskutime dhe përplasje, ku në qendër të vëmendjes ka qenë Rogerti. Ai ka bërë një paralajmërim të drejtpërdrejtë, duke lënë të kuptohet se prania e tij në këtë ceremoni nuk do të jetë aspak e zakonshme.
Rogerti: “Kjo është për fjalimin tim. Si më ftuat apo s’më ftuat, unë do ta prish dasmën”.
Mateo: “Të pyeti njeri ty? Prishe”.
Debati mes tyre ka vijuar me tone edhe më të forta, duke shtuar dyshimet se situata mund të dalë jashtë kontrollit gjatë mbrëmjes.
Rogerti: “Do ta prish pra”.
Mateo: “Çka kujton, që do të fitosh ndonjë pikë?”
Rogerti: “O vëlla, do ta prish dasmën me fjalim, o zotni. Do të mbaj një super fjalim për ju të dy dhe nuk do të ma prishësh këtë radhë”.
Nga ana tjetër, Mateo është shfaqur i vendosur, duke e kundërshtuar hapur këtë ide dhe duke lënë të kuptohet se nuk do ta lejojë një ndërhyrje të tillë gjatë ceremonisë.
Mateo: “Po ta them edhe njëherë, nuk e mbaj fjalimin unë aty”.
