Rusët kanë filluar t’i ndjejnë pasojat e sanksioneve perëndimore të vendosura pas luftës në Ukrainë. Në rrjetet sociale janë publikuar video që tregojnë pensionistët që luftojnë për ushqimet bazë në Moskë. Nuk mungojnë edhe foto të rafteve bosh të supermarketeve dhe blerësve që grumbullojnë mallra.
Liubov Tsybulska, një këshilltar i Ministrisë së Punëve të Jashtme të Ukrainës, postoi klipin në Twitter, duke shtuar: “Njerëzit në Moskë rrihen për SHEQERIN. epo, të dashur qytetarë rusë, ky është vetëm fillimi”.
Anna, e cila filmoi kaosin në dyqanin Perekryostok, tha për Podyom Media se njerëzit u sollën në mënyrë agresive sepse janë të trembur nga raftet bosh.
“Kishte rafte bosh, pa kripë, pa sheqer, pa makarona, pa asgjë dhe vetëm oriz të shtrenjtë. Njerëzit papritmas panë një karrocë me sheqer dhe vrapuan drejt saj. Ata sulmuan këtë karrocë, duke e shtyrë njëri-tjetrin në mënyrë agresive. Ata rrëmbenin sa më shumë për veten e tyre, duke mos lënë sheqer për të tjerët. Doja të ndaja tmerrin me të gjithë. Ne duhet të qëndrojmë njerëz” – shtoi ajo.
People in Moscow fighting for.. SUGAR. Well, dear Russian citizens, this is only beginning. pic.twitter.com/dsS4qb7QkI
— Liubov Tsybulska (@TsybulskaLiubov) March 14, 2022
