Sali Berisha në fund të kësaj jave do të jetë në jug të vendit. Ai pritet të zhvillojë takime në Gjirokastër, Libohovë, Dropull dhe Lazarat. Ky i fundit është prej vitesh një bastion politik i Partisë Demokratike. Sali Berisha ka daklaruar pas vitit 2013 se ka qenë politikë e qeverisë së tij të lejonte kultivimin e kanabisit në Lazarat. PD dega Gjirokastër ka publikuar edhe axhendën e takimeve të ish-kryeministrit, i cili u vu në krye të PD-së pas dorëheqjes së Lulzim Bashës. Megjithatë është ende në gjykatë çështja e legjitimitetit të tij si kryetar i demokratëve. Më poshtë axhenda e plotë e takimeve të Berishës.
E PREMTE, datë 07.10.2022, ora 19:00, takim me qytetarët gjirokastritë tek Hotel “Olimpik” , Gjirokastër
E SHTUNË , datë 08.10.2022
➡️ ora 10:30, takim me qytetarët dropullitë në qendër, fshati DERVICIAN
➡️ ora 11:30, takim me qytetarët libohovitë, në qendër, qyteti LIBOHOVË
➡️ ora 13:30 takim me banorët e fshatit LAZARAT, qendër fshati Lazarat.
