Bilanci i të vdekurve të shkaktuar për shkak të koronavirusit në Shtetet e Bashkuara e ka kaluar shifrën e 247 mijë viktimave, sipas asaj që thotë Johns Hopkins University.
Sipas universitetit amerikan, që nga fillimi i pandemisë kanë humbur jetën 247.101 persona në një total prej 11.188.766 rastesh.
Deri tani personat e shëruar janë 4.185.549.
Ministri francez i shëndetit, OLivier Veran ka deklaruar që ‘ka filluar rënia e epidemisë’.
I intervistuar nga BFM-TV-RMC, Véran ka shtuar që ‘do të dëshironte ti lejonte francezëve të kalonin krishtlindjen në familje, por akoma nuk mund të thotë për një fund të lockdown’.
Në Pakistan në 24 orët e fundit janë regjistrua 2050 raste të reja nga Covid-19 dhe 33 persona kanë humbur jetën për shkak të sëmundjes. Lajmin e bën me dije ministri i Shëndetësisë së Islamabad në buletinin ditor. Totali i rasteve me koronavirus që nga fillimi i pandemisë shkon në 361.082 dhe ai i vdekjeve të lidhura me sëmundjen 7193.
Në 24 orët e fundit, ndër të tjera 1010 persona janë shëruar, duke e çuar numrin total të personave që e kanë kaluar sëmundjen në Pakistan në 324.834. Numri total i pacientëve aktual në gjendje të rëndë është 1447, duke përfshirë 68 që janë shtruar dje në terapi intensive, bën me dije qeveria pakistaneze.
