Një i ri është plagosur në Gjirokastër pas një sherri. Policia informon se ka shpallur në kërkim 25-vjecarin A.S, i cili ka goditur me thikë një të ri, banues në Kordhocë të Lazaratit. Sherri ka ndodhur për motive të dobëta.
Njoftimi
Specialistët për Hetimin e Krimeve në Komisariatin e Policisë Gjirokastër shpallën në kërkim shtetasin A. S., 25 vjeç, banues në Gjirokastër, pasi në lagjen “Kordhocë”, fshati Lazarat, ka goditur me mjet mprehës, për motive të dobëta, shtetasin E. M., 21 vjeç, banues në Gjirokastër, duke i shkaktuar dëmtime të lehta. Materialet i kaluan Prokurorisë pranë Rrethit Gjyqësor Gjirokastër, për veprime të mëtejshme.