Sherr mes dy shqiptarëve në Athinë, plagoset me thikë njëri prej tyre

Një shqiptar ka mbetur i plagosur mbrëmjen e së shtunës pas një sherri në Athinë me një bashkëkombas të tij. Mësohet se i plagosur ka mbetur shtetasi A.M. nga Berati, i cili është goditur disa herë me thikë pas një sherri banal me një tjetër shqiptar. Aktualisht ai ndodhet në spitalin e kryeqytetit ku po merr ndihmën e nevojshme mjekësore. Policia greke mbërriti në vendngjarje, por nuk mund të arrestojë autorin. Megjithatë ky i fundit është identifikuar dhe është shpallur në kërkim. Autoritetet po hetojnë shkaqet e ngjarjes.