Sherr në Orikum, pushuesit zihen me grushta e sende të forta në rrugë pas gërvishtjes së makinave

Një sherr me sende të forta ka ndodhur sonte në Orikum të Vlorës, mes disa pushuesve. Pasi një pushues ka gërvishtur makinën e një tjetër personi, ka nisur edhe përpleshja. Më tej, pushuesit janë rrahur me sende të forta me njëri-tjetrin. Nga përplasja, janë lënduar dy persona, që kanë pësuar dëmtime në trup. Policia është në vendngjarje, ndërsa raportohet se një nga të përfshirët në sherr ka pasur edhe armë me vete.