Nis procedimi penal ndaj 3 personave që janë përfshirë në një konflikt për çeshtje pronash. Madje gjatë konfliktit ka pasur edhe të shtëna me armë zjarri, njoftoi policia.
“Stacioni i Policisë Konispol referoi materialet në Prokurori ku nisi procedimi penal për shtetasit R. I., 23 vjeç, M. I., 42 vjeçe, dhe B. H., 38 vjeç, të tre banues në Konispol, pasi dyshohet se gjatë një konflikti për çështje pronësie, shtetasit R. I. dhe M. I. kanë goditur me grushte shtetasen Th. H., ndërsa shtetasi B. H. dyshohet se ka qëlluar në ajër, me armë gjahu të cilën e kishte me leje”, thuhet në njoftimin zyrtar të Policisë.
