Vetëm gjatë ditës së djeshme janë shëruar 8 persona të infektuar me koronavirus. Në total, numri total i të shëruarve në vendin tonë ka shkuar në 52. Shifrat e të shëruarve janë optimiste deri në këto momente, por shqetësim mbetet shtimi i rasteve të reja dhe rritja e numrit të vdekjeve në 13.
Mbrëmjen e djeshme ka ndërruar jetë në spitalin Infektiv një paciente e moshës 82-vjeçar e cila vuante nga disa sëmundje shoqëruese.
L. M., nga Tirana po trajtohej prej 5 ditësh në spitalin infektiv, ndërsa në dy ditët e fundit gjendja e 82-vjeçares u rëndua së tepërmi dhe pavarësisht përpjekjes së stafit mjekësor, nuk arriti të mbijetojë.
82-vjeçarja që vuante nga disa sëmundje bashkëshoqëruese: Astma Bronkiale, Hipertension, Podagra (sëmundje reumatismale) është viktima e 12 e COVID-19 në Shqipëri.
Ndërsa mëngjesin e sotëm, ka ndërruar jetë një 66-vjeçar në Durrës, i cili gjithashtu vuante edhe nga sëmundje të tjera.
