‘Shqipëria në punë’, ish-deputeti i Gjirokastrës drejton fushatën e re të qeverisë

‘Shqipëria në punë’ është fushata e re e lançuar nga mazhoranca. Edhe pse nuk janë dhënë shumë detaje për të, prej disa javësh ajo ka nisur të prezantohet në disa qytete të vendit. Do të prezantohet edhe në Gjirokastër. Siç duket edhe në foto, Fieri ka qenë ndalesa e radhës. Dy ish-ministra socialistë të Ekonomisë, aktualisht deputetë të Partisë Socialiste, janë angazhuar për prezantimin e saj, Anastas Angjeli dhe Milva Ekonomi. Angjeli, ish deputeti i qarkut Gjirokastër kryeson grupin e punës për hartimin e strategjisë kombëtare të punësimit. Mësohet se gjatë takimeve që zhvillohen, Angjeli dhe Ekonomi bëjnë të ditura politikat e punësimit të qeverisë dhe mundësitë që ofrohen. Mbetet për tu parë nëse kjo fushatë është show i radhës apo qeveria ka vendosur të ndërhyjë në një nga shqetësimet më të mëdha në vend, siç është papunësia. Rezultatet do të tregojnë.