Ish-partneri i shqiptares, e cila qëlloi me armë zjarri babanë e fëmijës së saj ka folur për mediet greke rreth sjelljes së autores, ku ka thënë se Klodiana Çela është person problematik.
Ai është njohur me Klodianën në vitin 2016. Në atë periudhë Klodiana kishte humbur kujdestarinë e vajzës së saj 13 vjeçare.
“Fatkeqësisht, Klodiana është shtruar në spital në mënyrë të pavullnetshme të paktën dy herë. Unë isha partneri dhe njeriu që i ka qëndruar pranë gjatë periudhës së trajtimit, pas kërkesës që babai i vajzës së saj kishte paraqitur për kujdestarinë e fëmijës. Që atëherë gjendja e saj psikologjike u rëndua më shumë, madje është kthyer kundër në mënyrë impulsive dhe ndaj meje e njerëzve të tjerë”, ka thënë ish-partneri i Klodianës.
“Hodhi në gjyq gjithë botën, policinë, babain e vajzës, gruan e tij, mua, nënën, motrën, të gjithë. Ajo mendonte se ne të gjithë kemi punuar së bashku për të ngrënë pronën e saj. Ajo kishte një sjellje që kalonte çdo kufi. Ishte e fiksuar. Na mendonte të gjithë armiq”, tha ish partneri.
Sipas ish-partnerit të Klondianës, vendimi përfundimtar i gjykatës ku ajo humbi plotësisht kujdestarinë e fëmijës, ishte për të fundi i saj.
Ngjarja e rëndë ndodhi dje ( 11 nëntor) në Chalandri, të Greqisë, ku shqiptarja qëlloi me armë zjarri babanë e vajzës së saj, në sy të kësaj të fundit.
I plagosuri me profesion okulist, i identifikuar si George Neos, po trajtohet në spital.