Grupi militant Shteti Islamik tha se qëndron pas sulmeve me bomba që kanë tronditur të enjten Bagdadin, duke vrarë së paku 32 persona dhe lënë të plagosur mbi 100. Në shënjestër të sulmit kanë qenë myslimanët shiitë.
Sulmet kanë qenë më vdekjeprurëset në kryeqytetin irakian që nga viti 2018. Ato kanë ndodhur në një treg në sheshin Tajaran, i cili ishte i mbushur me njerëz, pas pothuajse një viti kufizimesh të vendosura për shkak të pandemisë së koronavirusit.
