Pas vizitës së Sali Berishës në Lazarat dhe deklaratave të tij, është rikthyer në vëmendje debati për ndërhyrjen e Policisë së Shtetit në vitin 2014. Ish-kryetari i Komunës, Dasho Aliko, duke folur sot në Euronews Albania, ka thënë se në Lazarat nuk fshiheshin kriminelë. Aliko pretendon se ndërhyrja e Policisë së Shtetit ishte brutale, e ngjashme sipas tij me ndërhyrjen e Serbisë në Kosovë. Dasho Aliko tregon më tej edhe bisedën me Saimir Tahirin në komisariatin e Gjirokastrës. “Si do vejë halli”, i ka thënë Saimir Tahi
“Saimir Tahiri më thirri vetë në takim. Unë i shkova në komisariatin e Gjirokastrës, në prani të prokurorit, prefektes dhe kryetarit të Bashkisë Gjirokastër. “Si do vejë kjo punë”, më tha Ministri i Brendshëm. I thashë, Tahir: Nëse ju keni ardhur ta arrini me forcë është e drejta juaj nuk do merrni dorën tonë. Nëse ju kërkoni mendim si mund ta heqim pa patur dëm në asnjë palë, unë do të jap mendimin si e mendoj. Aty diskutuam, ai më tha ok ne duam mendimin tënd. Unë i thashë mendimin tim si ta heqim pa krijuar dëm mes policisë dhe Lazaratat. Sepse Lazarati ishte një fenomen, nuk ishte një gjë sporadike”, tha Aliko.
I pyetur se si mund të ndërhyhej pa pasur dëm, Dasho Aliko ka përmendur negociatat me fshatin, a thua se Lazarati ishte një republike më vete. Sipas Alikos, ideja e zgjidhjes së cështjes me negociata ishte hedhur edhe nga disa deputetë të Partisë Socialiste. Më poshtë intervista e plotë e Alikos dhe debati i tij me gazetarët në Euronews Albania. ©argjiroja.net
