Britaniku 40-vjeçar Benjamin Glynn u shpall fajtor nga një gjykatë në Singapor sepse nuk kishte mbajtur maskë në një tren dhe ne disa raste te perseritura kishte shkelur rregullat qeveritare kundër koronavirusit.
Glynn i kërkoi gjykatës të heqë dorë nga ato që ai i quajti “akuza të paligjshme” dhe kërkoi që pasaporta e tij të kthehej në mënyrë që ai të kthehej në Britani për të qenë me familjen e tij.
Qendra e biznesit aziatik Singapori është një shtet i njohur për zbatimin e rregullave të rrepta për shkeljen e rregullave të Covid-19 derisa ka burgosur dhe gjobitur qindra shtetas vendas dhe turistë të huaj. Disa të huajve madje u është hequr leja e punës për shkelje të rregullave qeveritare kundër koronavirusit. Qytet-shteti i ka mbajtur nën kontroll shpërthimet e tij të koronavirusit, pjesërisht për shkak të zbatimit ose masave të tij të rrepta. Në Shkurt, një gjykatë në Singapor dënoi me dy javë burg një tjetër shtetas britanik pasi ai doli fshehurazi nga dhoma e tij e hotelit për të takuar të fejuarën në kohën kur ishte i detyruar që të qëndronte në karantinë.
