Rruga e fshatit Golem në Gjirokastër është zhbllokuar. Lajmin e njofton kryebashkiaku Flamur Golemi.
“Mbrëmjen e sotme bëmë plotësisht të kalueshme rrugën drejt fshatit Golem, e cila ishte bllokuar në disa segmente për shkak të vërshimit të ujërave nga përrenjtë malorë. Një punë e jashtëzakonshme e në kushte tejet të vështira e punonjësve të Agjencisë së Shërbimeve Publike. Kanë mirënjohjen e banorëve të fshatit dhe të të gjithë neve. Falë ndërhyrjes së tyre deri më tani nuk kemi situata kritike në Gjirokastër. Do të bëjmë gjithçka duhet dhe na takon për të menaxhuar këtë emergjencë”, shkruan Golemi.
Ndërkohë në shumë fshatra të tjerë mungon energjia elektrike me orë të tëra. Një ditë më parë në Dropull humbi jetën një vajzë 12-vjecare pas zjarrit që ra në banesën e Irakli Ndricos.