Një grup prej 30 fëmijësh, nxënës të shkollës 9 vjeçare të Xarrës, në Konispol janë nxjerrë në hyrjen e godinës duke mbajtur në duar nga një fletë për të krijuar parrullën ku shkruhej: FALEMINDERIT SHUAIP
Shuaipi është kryetari i Bashkisë së Konispolit, Shuaip Beqirit meqënëse ka nisur punën kaldaja e shkollës. Mirënjohja për Shuaipin bëhet sikur ai t’i ketë nxjerrë nga xhepi paratë për kaldajën e shkollës. Të miturit janë përdorur nga drejtuesit e shkollës për t’iu servilosur dhe për t’i bërë qejfin kryetarit të Bashkisë, por nuk përjashtohet mundësia që ky i fundit ta ketë kërkuar vetë një foto të tillë. Po t’i hedhësh një sy profilit të shkollës në rrjetet sociale del se falenderimet për Shuaipin janë rutinë dhe gjithnjë shoqërohen nga fotot e fëmijëve.
