Gjatë takimit me të rinjtë në Gjirokastër, një studente i ka bërë një pyetje kryeministrit Edi Rama.
“Unë studioj për Ekonomi këtu në Gjjirokastër. Ne që studiojmë, ku do të punësohemi në ëmbëltore? Këtu të rinjtë po ikin nga Shqipëria sepse nuk kanë punë. Kudo që vemi na kërkojnë eksperiencë, ku ta gjejmë ne eksperiencën sapo kemi mbaruar shkollën”, është shprehur studentja.
Kryeministri nga ana tjetër i tha se nuk është shteti zgjidhja, nuk punësohen dot të gjithë në shtet. Sektori privat tha ai ka pafund mundësi punësimi.
“Edhe në botën më ideale nuk ekziston se kush mbaron shkollën, të gjithëve shteti iu jep punë. Ne nuk jemi një vend me ofertë të pafundme, oferta është e kufizuar, por unë di të them këtë që ka shumë të rinj që paguajnë sot deri në 20 mijë paund për të ikur ilegalisht në Angli. Me kaq para mund të nisësh këtu një biznes dhe të fitosh shumë më tepër sesa merr aty”, i tha Rama. ©argjiroja.net