Probleme të rënda shkaktoi dje moti i keq që goditi Greqinë, ndërsa pak pas mesnate një stuhi e papritur e shoqëruar me breshër ka “goditur” edhe Atikën. Brenda pak minutash rrugët u kthyen në lumenj ndërsa zjarrfikësit morën thirrje pas rrëzimit të pemëve.
Ata gjithashtu morën dhjetëra thirrje për lirimin e qytetarëve nga ashensorët për shkak të ndërprerjeve të energjisë elektrike. Goditjen më të madhe e kanë marrë periferia veriore, ndërsa në Filothei edhe pema e Krishtlindjes ka rënë nga era. Përdoruesit në X (ish Twitter) ngarkuan video të dëmeve të shkaktuara nga moti i keq në Athinë.
Më parë ishte dhënë një mesazh, për të shmangur lëvizjet e panevojshme, në Greqinë Perëndimore dhe konkretisht për banorët e Epirit, Aitoloakarnanisë, Ilisë, kaisë dhe Ishujve Jon, duke i paralajmëruar ata për stuhi të forta. Në të njëjtën kohë, policia kishte vënë në fuqi ndalimin e qarkullimit të motorave dhe kamionëve në urën Rio-Antirio.
#κακοκαιρία pic.twitter.com/3aCZ4QW5hf
— Κουνοΐτσι (@Hello_Ti_kanis) January 6, 2024
