Demokrati Ervin Salianji ka deklaruar këtë mbrëmje në emisionin “Real Story” se opozita ka nevojë për një riformatim të thellë ndërsa shtoi se duhet të jetë funksionale dhe me strategji të qartë për të përballuar qeverinë Rama. Nëse synon një funksion konkret politik, Ervin Salianji u shpreh se nuk ka ambicie për poste aktualisht ndërsa shtoi se duhet ndërtuar një grupim i ri dhe gjithëpërfshirës brenda opozitës.
“Duhet të bëjmë një opozitë se si të mundim Edi Ramën, pa votat e Sali Berishës që të flasim troç apo jo. Ne duhet të gjëmë të gjithë mekanizmat e duhur që t’i japim drejtim kësaj situate. Duhet të gjejmë mekanizmat si shoqëri, që të këtë demokraci të shëndetshme dhe të ketë institucione dhe qeveria që kontrollohet dhe opozitë të shëndetshme që bën kontrollin e plotë.
PD nuk është sot në ditët më të mira, sepse ndryshe nuk do bënim këtë diskutim. Duke u përmirësuar PD i shërbejmë interesit publik.
Nëse do kisha ambicie për një funksion tani do kisha dalë do kisha lëvizjen dhe pastaj do vija këtu. Unë e bëj politikën në atë formë, që nis lëvizjen dhe pastaj vij e diskutojmë se pse po e bëj këtë lëvizje.
Në këtë moment unë jam duke diskutuar dhe takuar demokratë të tjerë, të cilët kanë po njësoj, mbase nuk kamë marrë kosto dhe kanë bërë sakrificë dhe të kenë bërë burg, sepse ai ishte një burg jo për interesin tim personal, por për kauzën e opozitës. Nuk jam në atë fazë, që unë dua të kem një funksion.
Jam në fazën, që PD duhet t’i përfshijë të gjithë, qoftë dhe pjesë e tjera të mozaikut opozita për të gjetur mekanizmat e duhur që të fitojmë dhe në këtë kuptim nuk mund të flas sot para, ndërkohë që nesër ka vendimmarrje për aksionin e opozitës në strukturat e partisë.
Opozita nuk ka luksin të bëjë me gafa të tilla siç i la në tavolinë Ramës një tufë me mandate. Unë do jem në jetën politike padiksutim duke kontribuuar si opozitar gjatë gjithë kohës.”-tha Salianji.
