Socialistët kanë nisur fushatën elektorale në Gjirokastër edhe pse jo zyrtarisht pasi zgjedhjet lokale janë në pranverë të 2023. Së fundi ministrja e Turizmit dhe njëherazi drejtuese politike e PS në qarkun Gjirokastër, Mirela Kumbaro, ka zhvilluar një takim me disa të rinj bashkë me kryebashkiakun Flamur Golemi. Ky i fundit me gjasë pritet të jetë sërish në garë për një mandat të dytë.
“Tek benim programin e dites me Flamurin me deshiren per te marre pjese ne degjesat lidhur me buxhetin 2023 te Bashkise Gjirokaster, parashikuam 1 ore me te rinjte e Keshillit rinor, gjimnaziste, studente, profesioniste. U gabuam! As dy ore nuk na dolen, por as dita e tere nuk do na kishte mjaftuar per te mbledhur idete, propozimet, planet dhe deshirat e tyre. Prandaj u ndame per t’u ritakuar shume shpejt serish. Brenda javes madje”, shkruan Kumbaro teksa publikon edhe foto nga takimi.