Aksioni anti-informalitet sot është shtrirë dhe në qarkun e Gjirokastrës. Sipas informacioneve mësohet se kontrollet në këtë qytet janë bërë nga Drejtoria Rajonale e Tatimeve Fier, të cilët kanë vendosur disa gjoba “të majme”.
Dosja.al mëson se janë referuar materialet në Prokurorine e Gjirokastrës për administratorin e “Bar Restorant Gryka e Këlcyrës” pasi nga kontrolli i ushtruar u gjetën punonjës të pa deklaruar duke fshehur dhe të ardhurat.
Më tej mësohet ka filluar ndjekja penale për shtetasin Urim Jaçe në Përmet pasi nga kontrolli i ushtruar në subjektin e tij nuk lëshonte fatura tatimore
Ndërkohë që po ndiqet penalisht Mario Haderi dhe Alketa Klleçi, pasi në bizneset e tyre u gjetën shkelje të shumta ana e Tatimorëve.
Prej ditësh qeveria ka marrë një aksion të gjerë kundër informalitetit. Për të goditur këtë fenomen, janë bërë kontrolle të zgjeruara në terren, ku dhe janë gjobitur dhjetëra biznese e shumë të tjera janë mbyllur. Por duket se ky aksion do të vijojë dhe më tej, pasi qeveria tashmë ka gati sitemin e ri të kontrollit të bizneseve.
Duke qenë se kasat që përdoren aktualisht janë me teknologji të vjetër ato nuk të japin mundësi t’i monitorosh në çdo kohë bizneset, por vetëm me mbylljet ditore. Në këtë mënyrë të gjitha bizneset do të pajisen me kasa të reja, të cilat fal teknologjisë do të mund të raportojnë në çdo minutë të ditës./dosja.al
