Luftëtari do të luajë me Vorën të mërkurën ndeshjen e kthimit të Kupës së Shqipërisë. Ndeshjen e parë në kryeqytet, gjirokastritët e fituan 0-4, ndërsa, sfida që do të zhvillohet të mërkurën në Gjirokastër është edhe një test para takimit me Kukësin në fundjavë.
Ndryshimet e gjirokastritëve do të jenë të dukshme në Kupën e Shqipërisë, pasi trajneri Mezani do të ketë në dispozicion edhe mbrojtësin Jançiç. Në Kupë pritet që të ketë minuta edhe për ata lojtarë që nuk kanë luajtur apo kanë “ngrohur” stolin në kampionat.
Duke qenë se kualifikimi është një formalitet, bluzinjtë synojnë fitoren që do t’u vlejë moralisht para Kukësit, por duan që të “fitojnë” edhe ndonjë element që do t’u vlejë shumë gjatë garës në vijim.
Ardhja e trajnerit Gentian Mezani jo vetëm që ka përmirësuar ekuilibrat në kampin bluzi me fitoren ndaj Teutës, por, tashmë të gjithë kërkojnë që të lënë fundin e renditjes sa më parë.
