Para pak çastesh banorët e Fierit janë alarmuar, pas të shtënave me armë në një pikë bastesh afër Prefekturës. Burimet bëjnë me dije se si pasojë e të shtënave ka mbetur një person i plagosur. Ndërkohë që në vendngjarje kanë mbërritur menjëherë forcat e policisë.
Ndërsa i plagosuri është dërguar në spital.
Deklarata e policisë:
Informacion paraprak
Në datën 14.04.2018, rreth orës 21:25 në afërsi të Prefekturës është plagosur me armë zjarri shtetasi A.J, 32 vjeç, banues në Fier,i cili ndodhet në Spitalin Rajonal Fier nën kujdesin e mjekëve.
Paraprakisht dyshohet se shtetasi i plagosur dhe autori janë konfliktuar në një pikë basti.
Policia ka shoqëruar disa persona për tu marrë në pyetje në lidhje me ngjarjen.
Grupi hetimor po punon intensivisht për zbardhjen e rrethanave të ngjarjes, identifikimin dhe kapjen e autorit.