Edhe pse u tha në dhjetor 2022 nga kreu i DPSHTRR se Gjirokastra do të bëhet me terminal transporti brenda vitit 2023, punimet nuk nisën për probleme që lidhen me lokacionin apo truallin ku do duhej të ndërtohej kjo vepër.
Së fundi DPSHTRR ka shpallur fitues të tenderit kompaninë që do të bëjë studimin e fizibilitetit dhe planin e biznesit për terminalin e Gjirokastrës. Fituese është shpallur kompania “Adriatica RC & Engineering Consulting Group“shpk me vlerë rreth 26 milionë lekë të vjetra pa TVSH. Kjo kompani ka afat 4 muaj nga lidhja e kontratës për të bërë studimin e fizibilitetit dhe planin e biznesit për terminalin e autobusëve në Gjirokastër.
Më pas llogjikisht do duhet të vijohet me tenderimin dhe realizimin e investimit, por për këtë s’ka ende një afat të mundshëm. Gjirokastra është mes qyteteve që s’kanë një terminal udhëtarësh. ©Argjiroja.net
