Në kuadër të Javës së Ali Pashë në Tepelenë janë organizuar disa aktivitete të ndryshme, si edhe është inaguruar një kënd i ri lojërash i financuar nga një kompani private. Në ceremoni kanë marrë pjesë edhe ministrja e Kulturës, Mirela Kumbaro, si dhe deputeti Bledi Çuçi, të shoqëruar nga kryebashkiaku Tërmet Peçi.
Por gjatë inaturimit të këtij investimi, Kumbaro, Çuçi dhe Peçi i janë rikthyer një praktike shumë të kritikuar nga kryeministri Edi Rama: prerja e shiritave! Gjatë qeverisjes së PD-së, Rama ironizonte shpesh paraardhësin e tij për prerjen e shiritave dhe kur u zgjodh kryeministër vendosi të mos priste shirita inagurimesh në punë të ndryshme publike. Këtë gjë e kërkoi edhe tek njerëzit e vet, por në këtë rast duket se Kumbaro, Çuçi dhe Peçi vepruan ndryshe.
“Nuk e di a e keni vënë re, por unë nuk pres shirita asnjëherë. Se mendoj që, nga njëra anë është e tepërt që Kryeministri të presë shiritat sikur i bën punët vetë dhe nga ana tjetër, kur pret shumë shirita del ters pastaj”, ishte shprehur Rama në një deklaratë pak pasi u bë Kryeministër.
©ArgjiroLajm.net
