Specialistet theksojne se termetet do te vazhdojne. Ne zonen e nxehte jane regjistruar mbi 13 lekundje. Megjithese intensiteti i ryre eshte ne renie, masat nuk jane kurre te teperta. Sidomos gjate nates. Ja disa nga gjerat kryesore qe duhen pasur parasysh…
-Qëndroni poshtë dyerve
Kjo është një gjë që dihet, por gjithsesi duhet zbatuar. Gjatë një tërmeti, nëse ndodheni në një vend të mbyllur qëndroni poshtë dyerve dhe mundësisht afër një kolone betoni. Edhe trarët e çative ju mbrojnë nga një shembje e mundshme.
– Futuni poshtë tavolinës
Gjatë tërmetit është e rrezikshme të qëndroni pranë objekteve që lëvizin, pasi mund t’iu bien sipër, kështu që mund të futeni dhe poshtë tavolinës.
– Mos vraponi drejt shkallëve, apo ashensorit
Në të vërtetë shkallët janë pjesa më e dobët e një ndërtese, por nga frika njerëzit tentojnë të dalin menjëherë nga banesa. Madje edhe ashensori nuk duhet të përdoret pasi bllokohet.
– Largohuni nga objektet në ndërtim
Nëse gjatë kohës së tërmetit ndodheni jashtë, mos qëndroni afër objekteve në ndërtim, apo dhe linjave elektrike, pasi mund të bien dhe tu zënë poshtë.
– Qëndroni larg liqeneve, plazheve dhe urave
Gjatë tërmetit dhe minutat pas lëkundjeve, largohuni nga brigjet e liqeneve apo plazhet, pasi mund të ketë një rritje të intensitetit të valëve, në atë që zakonisht quhet cunami. Nëse jeni në automjet shmangni qëndrimin në ura apo rrugë të paqëndrueshme.
– Mos përdorni telefonin apo makinën
Gjatë rënies të tërmetit. Mundohuni t’i shmangni këto të dyja, për t’i lënë hapësirë emergjencave të lajmërohen dhe të lëvizin.
– Mos jini kureshtarë për të parë gjithçka
