Ministria e Shëndetësisë në një deklaratë për mediat në lidhje me rastet e reja me të prekur nga koronavirusi ka treguar se kur është bërë testi i parë për COVID-19 në vendin tonë.
Ministria bëri me dije se testi i parë është bërë më 31 janar tek një person i dyshuar se ishte prekur.
“Testi i parë i koronavirusit në Shqipëri është kryer në 31 janar për një person të dyshuar për koronavirus,”– tha epidemiologia Rovena Daja.
Ndërsa përsa i përket rasteve me të prekur me koronavirus në fasoneritë e Krujës u shpreh: “Në rastin që janë shfaqur rastet e para në fasonerinë në Krujë ne kemi kryer hetimin tonë epidemologjik. Njësia vendore e kujdesit shëndetësore në bashkëpunim me mjekët e familjes kryen këtë hetim. Ndërsa në lidhje me hetimin e fasonerisë nuk i përket institucionit tonë.”
